त्रिदेशीय टी–२० क्रिकेटको फाइनलमा पहिले ब्याटिङ गर्दै नेपाल

काठमाडौं । त्रिदेशीय टी–२० क्रिकेट सिरिजको फाइनल खेल नेपाल र नेदरल्याण्ड्सबीच शुरु हुँदै छ । नेपालले टस हारेर पहिले ब्याटिङ गर्दैछ भने नेदरल्याण्डले बलिङ गर्ने निर्णय गरेको छ ।

जारी सिरिजमा आफ्नो बलियो दाबेदारी प्रस्तुत गर्दै आएको नेपालले कीर्तिपुरस्थित त्रिवि क्रिकेट मैदानमा हुने सिरिज हातपार्ने दाउमा छ ।

नेपाल उत्कृष्ट खेल प्रदर्शन गर्दै चार खेलमा तीनमा जीत तथा एकमा हार बेहोर्दै फाइनलमा पुगेको हो ।

नेपालले पहिलो र दोस्रो खेलमा क्रमश नेदरल्याण्ड्स र मलेसियालाई नौ विकेटले पराजित गरेको थियो भने तेस्रो खेलमा नेदरल्याण्डस्सित तीन विकेटले पराजित भएको थियो । त्यस्तै चौथो खेलमा भने नेपालले मलेसियालाई ६९ रनले पराजित गरेको थियो ।

यता, नेदरल्यान्ड्सले दुई खेलमा जीत निकाल्दा एक खेल बराबरी र एक खेलमा पराजित भएको थियो । नेपालले पहिलो खेलमा नेदरल्याण्डस्लाई पराजित गरेकोले आजको खेल पनि आफ्नो पक्षमा पार्ने नेपाली टोलीको दाउ छ ।

यो खबर पढेर तपाईलाई कस्तो महसुस भयो ?