मेस्सी र रोनाल्डोलाई पछि पार्दै बेन्जेमाले जिते अवार्ड

एजेन्सी । यो साता एक पछि अर्काे खुशीको क्षण व्यतित गरिरहेका स्पेनिस क्लब रियल म्याड्रिडका फ्रान्सेली फरवार्ड करिम बेन्जेमाले ओन्जी डी ओर अवार्ड जितेका छन् ।

यो साता ६ वर्षपछि फ्रान्सको राष्ट्रिय टोलीमा पूनरागमन गर्नु र राष्ट्रिय युनियन अफ प्रोफेसनल फुटबलर्सबाट फ्रान्स बाहिर खेल्ने फ्रान्सको उत्कृष्ट खेलाडी बनेका बेन्जेमाले मेस्सी, लेवान्डोस्की र एमबाप्पेलाई पछि पार्दै ओन्जी डी ओर अवार्ड जितेका हुन् । सन् २०२१ मा युरोपियन फुटबलमा उत्कृष्ट प्रदर्शन गरेको भन्दै ओन्जी मुन्डियाल र समर्थकको रोजाईबाट बेन्जेमाले उक्त अवार्ड हात पारेका हुन् ।

अवार्ड जितेका ३३ वर्षीय बेन्जेमाले ४७.३ प्रतिशत मत पाए । दोस्रो स्थानमा रहेको मेस्सीले २०.१ प्रतिशत, तेस्रो स्थानमा रहेको रोबर्ट लेवान्डोस्कीले ११.३, एमबाप्पेले १०.३, ब्रुनो फर्नान्डेसले ३.५, रोनाल्डोले ३.२, योसुवा किम्मिखले १.५, एर्लिङ ब्राउट हालान्डले १, रोमेलु लुकाकुले ०.८, इल्केए गुन्डोगानाले ०.७ र लुइस सुआरेजले ०.३ प्रतिशत मत पाए ।

यो अवार्ड हात पारेपछि बेन्जेमाले फ्रान्सको टिममा फर्किन निकै लामो समय कुरेको र फ्रान्सको टिममा फर्किनका लागि निकै मेहेनत गरेको बताए । साथै उनले राष्ट्रिय टिमबाट फालिएपछि पनि हार नमानेको र झन मेहेनत गर्नका लागि प्रोत्साहित गरेको बताए ।

यस्तै बेन्जेमाले फ्रान्सको टिम उत्कृष्ट रहेको र टोलीमा प्रतिभावान खेलाडीको बाहुल्यता रहेको र उनीहरुसँग खेल्न उत्साहित रहेको बताएका छन् । ३३ वर्षको उमेरम पनि लगतार आफ्नो उच्च प्रदर्शनलाई निरन्तरता दिदा प्रशिक्षक डिडियर डेसच्याम्सलाई टोलीमा बोलाउन बाध्य बनाएको थियो । ‘मैले पछिल्लो समय लगातार राम्रो गरिरहेको छु ।’ बेन्जेमाले भने, ‘म अरुभन्दा राम्रो छु भन्न चहान्न तर पिचमा राम्रो गर्ने कोशिस गर्नेछु ।’

यस्तै बेन्जेमाले केलियन एमबाप्पे युवा र प्रतिभावान खेलाडी रहेको बताउँदै उनीसँगको साँझेदारी एक अर्कालाई बुझ्ने प्रयास हुने बताएका छन् । ला लिगाको अन्तिम दिन आज शनिबार उपाधि होडमा रहेको रियल म्याड्रिडबाट उपाधि जित्दै बेन्जेमा यो सिजनको सुखद अन्त्य गर्न चहान्छन् ।

यो खबर पढेर तपाईलाई कस्तो महसुस भयो ?